Text copied!
CopyCompare
Yi Antiw Bible / Yi Ac'aj Testament - Ca'p Corintios

Ca'p Corintios 2

Help us?
Click on verse(s) to share them!
1Cha'stzun te bixewe'n wa'n tan qui wicy'ake'n tan chixajse'nu', na nk'era'tz wajbil tan jale'n mas bis 岷峜hixo'lu'.
2Na kol wak' bis scyeru', 驴岷峞'n tzun chintzatzin wetz? Na ntin scye'ju' na jale't tzatzin wa'n.
3Quinin nicy'ak tan chixajse'nu', na yi nink nnicy'ak, ja klo' jal bis wa'n 岷峜hixo'lu' tan paj yi jun cart yi benak wa'n. Nin na el intxum tetz yi ko qui na chintzatzin wetz, ncha'tz e' cyeru' quil chitzatzinu'. Cha'stzun te qui nnicy'ak scye'ju' na nk'era'tz wajbil tan wuk'ol mas bis scyeru'.
4Poro yi woque'n tan stz'ibe'n yi jun carta'tz ja chimbisun nin ja nok'. Poro nk'era'tz wajbil tan tak'le'n bis scyeru', ma na tan 岷峜hajle'n scyeru' yi wi'nin na chimpek' scye'ju', nin yi na chimbisun te yi mbi na bajij 岷峜hixo'lu'.
5I bin jalu', yi jun ak'ol bis yi at 岷峜hixo'lu' yi wal scyeru' tc'u'l yi jun carta'tz ja tak' bis swetz, poro ja tak' mas bis tetz cyeru'.
6Poro chinch wetz tzicu'n yi caws yi jun yaja'tz yi txumijt cyanu'.
7Ma jalu' ntin na taj cuyle'n paj, nin na taj mayse'n i', na qui na yub kol ben joylaj tu tajtza'kl tan paj bis o'kl.
8Ma na mas balaj yil chichaju' lok' ib tetz.
9Benak intz'ibal jun cyajtza'klu' te yi jun problema'tz, poro i'tz tan chipile'nu' nin tan tilwe'n yi ko bintzinin chixomoku' te yi wetz wajtza'kl.
10Qui'c wetz woyintzi' tu yaj yi njuch til ma na cho'n njuch i' til 岷峜hiwutzu'. Poro tan tu' yil chicuyu' paj, ncha'tz in tzincuye' paj. Tzincuye' paj na na waj yil jal chibalajilu' junt tir. Nin sak cu'n swutz Kajcaw Jesucristo yi bintzi yi yole'j yi na chintzan tan talche'n.
11Ncha'tz tajwe'n tan kacuyul paj, na qui na kaj kak' ama'l tetz Satan谩s, yi Bayba'n, tan toque'n tan kapo'tze'n. Na na el katxum tetz yi chin list nin i' tan kasuble'n.
12Yi wa'te'n le tnum Troas, ja tak' Ryos wi'nin ama'l swetz tan xtxole'n yi balaj stziblal tetz Cristo scyetz cyakil wunak.
13Poro quinin k'uklchin bantz tan paj yi qui wil wutz kajwutz Tito. Cha'stzun te che' cyaje'n cyen wilol yi e' kajwutz le yi jun tnuma'tz tan wule'n tzone'j le ama'l cwent Macedonia tan joyle'n i'.
14Poro ntyo岷 tetz Kataj yi xomcho' te Cristo jalu' na ja wi't xcye' i' tan kacambaje'n. Ej nin ntyo岷 yi o' xconsbe'tz i' jalu' tan bene'n lo'on yi balajil Ryos bene'n tzi'n wi munt.
15Na yi o' ketz o' xconsbe'tz Cristo, ni'cu'n o' tu c'o'cal insens. Na tan tu' yi mbi banak Cristo ja ko'c ketz chi jun balaj insens swutz Ryos. Ncha'tz 岷峜hiwutz wunak. Nin na el jucl katziblal 岷峜hixo'l yi e' yi 岷峜hiclaxok, nin na el jucl 岷峜hixo'l yi e' yi at cyopombil tq'uixc'uj.
16Ej nin yi katziblala'tz yi na el jucl ni'cu'n na ban tu' wenen 岷峜hiwutz yi e' yi at cyopombil tq'uixc'uj. Ma scyetz yi e' yi 岷峜hiclaxok, ni'cu'n tane'n katziblal 岷峜hiwutz chi tane'n insens yi wi'nin c'o'cal yi na tak' itz'ajbil. Poro 驴na' nin scyetz jun yi at tajtza'kl tan je'n pone'n te yi jun munla'tz? Cya'l.
17Poro nk'e'tz cho'n kutane'n ketz chi quitane'n yi e' yi na chitzan tan suke'n yi yol Kataj tan tu' yi cyetz chipu'k na cyaj quen te'j. Ej nin nk'e'tz ni'cu'n o' scyuch' yi e' yi na chitx'ixpuj yi xtxolbil yi yol Kataj. Poro yi o' ketz na katxol yi mero yol Kataj. Ej nin qui na el kalma' tan kacambal kapu'k te'j, na junit o' tu Cristo. Ej nin chakij cho' tan Ryos tan txoli'n. Ej nin ncha'tz, puntil cu'n na kulej yi kak'un, na na tzan i' tan kaxmaye'n yi ko ba'n na kaban nka qui'.