Caeltueih 18:11-20

¹¹Te dongah kum khat neh hla rhuk duem tih te amih taengah Pathen kah olka te a thuituen.

¹²Tedae Akhaia kah khoboei la Gallio a om vaengah Paul te Judah rhoek loh tun a pai thil uh tih laitloek ngolkhoel hmaila a khuen uh.

¹³Te vaengah “Olkhueng te a kingkalh tih Pathen bawk ham anih loh hlang a yoek,” a ti uh.

¹⁴Paul khaw a ka ong ham a cai vaengah Judah rhoek te Gallio loh, “Boethae khat khat neh dumlai a thae la a om atah, Judah rhoek aw, ol vanbangla nangmih loh yaknaem uh saw.

¹⁵Tedae na ol khaw, na ming khaw, olkhueng khaw dawtnah a om atah na sawt uh mako. Te soah laitloekkung la om ham ka ngaih pawh,” a ti nah.

¹⁶Te dongah amih te ngolkhoel taeng lamloh a haek.

¹⁷Hlang boeih loh tamtaeng Sosthene te a tuuk uh tih ngolkhoel hmaiah a boh uh. Tedae Glallio tah tekah te a ngaihuet pawh.

¹⁸Paul khaw manuca rhoek taengah khohnin a sen om pueng tih a hlah uh phoeiah Syria la kat. Te vaengah anih te Priscilla neh Aquila loh a puei rhoi. Kenkhrea ah a lu a vok tih paipi a saii.

¹⁹Ephisa a pha vaengah amih te a caehtak. Tunim la kun tih Judah rhoek te a oelh.

²⁰Khohnin a sen om puei ham a hloep uh dae ngaih pawh.