Caeltueih 17:7-15

⁷Amih te Jason loh a doe. Te dongah amih tah Kaisar kah oltloek te boeih a khoboe thil uh tih, 'Manghai tloe Jesuh om,' a ti uh, “tila pang uh.

⁸Te te a yaak uh vaengah hlangping neh khoboei rhoek khaw thuen uh.

⁹Tedae Jason neh a tloe rhoek taengkah a doe uh khangrhang daengah amih te a hlah uh.

¹⁰Te dongah Paul neh Silas te manuca rhoek loh khoyin ah Berea la pahoi a tueih uh. A pha uh vaengah Judah rhoek kah tunim ah kun uh.

¹¹Tedae amih tah Thessalonika kah rhoek lakah hlangtang la om uh. Amih tah khalanah cungkuem neh olka te a doe uh. Hno he om tang nim tila hnin takuem ah cacim te a thuep uh.

¹²Te dongah amih khuikah loh muep a tangnah uh. Te veangkah Greek huta tongpa hlangcong khaw a yool mai moenih.

¹³Paul loh Berea ah Pathen kah olka a doek van tila Thessalonika lamkah Judah rhoek loh a ming uh. Te vaengah ha lo uh tih a hinghoek dongah hlangping te a hinghuen sak uh.

¹⁴Te dongah tuitunli duela caeh sak ham manuca rhoek loh Paul te pahoi a thak uh. Tedae Silas neh Timothy tah pahoi duem rhoi pueng.

¹⁵Te vaengkah a hmoel rhoek loh Paul te Athens duela a thak uh. Te phoeiah, Silas neh Timothy te anih taengah thamaa la lo sak ham olpaek te a doe uh tih bal uh.