Caeltueih 17:12-18

¹²Te dongah amih khuikah loh muep a tangnah uh. Te vaengkah Greek huta tongpa hlangcong khaw a yool mai moenih.

¹³Paul loh Berea ah Pathen kah olka a doek van tila Thessalonika lamkah Judah rhoek loh a ming uh. Te vaengah ha lo uh tih a hinghoek dongah hlangping te a hinghuen sak uh.

¹⁴Te dongah tuitunli duela caeh sak ham manuca rhoek loh Paul te pahoi a thak uh. Tedae Silas neh Timothy tah pahoi duem rhoi pueng.

¹⁵Te vaengkah a hmoel rhoek loh Paul te Athens duela a thak uh. Te phoeiah, Silas neh Timothy te anih taengah thamaa la lo sak ham olpaek te a doe uh tih bal uh.

¹⁶Amih te Paul loh Athens ah a rhing. Khopuei mueirhol la a poeh te a hmuh vaengah a mueihla tah a khuiah umya.

¹⁷Te dongah tunim kah Judah rhoek nen khaw, aka bawk rhoek nen khaw, hnin takuem kah hnoyoih hmuen ah a hmuh rhoek taengah khaw a thuingong uh.

¹⁸A lak vaengah Epikouri neh Satoiko kah poeksoemkung rhoek long khaw anih te a loepdak uh. Te dongah a ngen loh, “Olom loh banim thui a ngaih he. A tloe rhoek loh, “Kholong kah sungrhai aka thuikung i ti. Jesuh neh thohkoepnah ni a phong,” a ti uh.