Buka Linge 86:7-13

⁷Inau tu hologho tana bona ni gunaguna; mi ghoe to rongoviu mai so.

⁸Lord, e taho tua siki god te vaghagho, e taho tua hei ke gonia na hava to goni sokoa tua ighoe.

⁹Na lei kema ta puputura ighoe: kara mai kikinima vanigho, ma kara holohabaa na ahamu te tabu.

¹⁰Ighoe to sule, mo gonighi na lei butuli sule: ighoe heghemu vamua to God.

¹¹Lord, ko taraiu nia na lei nilabumu, mu ku kabu taonia nimua na utuni! Ko heu mai na toba maghora, ge ku ghanaghana mavagho haia.

¹²Lord, nigua God, inau ku holohabagho nia na tobagu udolu tua, mu ku ladavaghinia na ahamu ke va me va.

¹³Nimua na dolo te sule ngangata vaniu: mo volau tana gilu ni mate.