Buka Linge 66:15-18

¹⁵A keri vaho tua na pukuna ge u nia sukaghi vanigho na sukaghi kekere. Na bolo te marabu me korukoru vulei nigua na lei bolo soko te vagha na kokolo uruurua to lavipangotia. Mu ku nia sukaghi na lei buluka mana goat.

¹⁶Ighau udolu tau nia kikinima God, kau mai ma kau vaovarongo mu ku tughunia vanighai na hava te gonia vaniu,

¹⁷Inau tu nia ngangaraha dato vania na hahanga, mu holoutoa tana bona tu kokoe.

¹⁸Ge ku mua toghia na palu tana tobagu, a nigua na Lord, ke mua ghoi rongoviu.