Buka Linge 38:14-22

¹⁴E utuni, inua tu mai vuha vaghau na tinoni te mua rongo, mana mangagu te mua kokoe tughu.

¹⁵Mi nau tu pitugho so Lord, Ighoe vamua ge ko bosa tughu vanira, Ighoe a Lord, nigua na God.

¹⁶Inau tu liona ge rana ghagua na kana kara bei laga vuleu gea: mi tana bona ku turi padi: Kara bei lavi mamagu gea.

¹⁷Ku mua tangomana tua ge ku ghoi tughuru dato, na pukuna nigua na vahaghitaili haia tagua.

¹⁸Ku toghighi lei nigua na hahi: mu ku nighi dika lio na lei palugu.

¹⁹Ma rana ghagua na kana kara ghahara: mara laga lee: ma gaira tara kanahaghi leau tara subo vule.

²⁰Gaira ghua tara nia tutugu na dika tara uto: tara hughuhughuu na pukuna Inau tu taonia te uto.

²¹Ko bei sivilaghiniu: Ighoe, Lord, nigua na God, mo ko bei kabu sagauviu.

²²Ko mina, mo ko hangau: Ighoe Lord God nigua na vavola.