Text copied!
CopyCompare
Na Rongorongo Uto nina Jesus Christ - Buka Linge - Buka Linge 17

Buka Linge 17:4-11

Help us?
Click on verse(s) to share them!
4Inau tu taonighi tua nimua na lei vetena, tara righitaoniu ge ku bei taonira gea na vure tara ghighirou mara dika.
5Inau tu sakutua tana halautumu; inau tu mua turipadi na taoniamu.
6Inau tu kokoeliulivuti vanigho gatu na pukuna inau tu ghilalaa ko bosatughu, ghe God. Ko taoraghi horu mai mo ko vaovarongo tana bona ku kokoeliulivuti.
7Ko tughunia vaniu nimua na dolo te mua soko tana lei halautu te haeharegha. Ighoe to vavolara nia na lagamu tana ghadira na levunimate rahei tara kabu itamua.
8Ko righitaoniu mo ko pilupiluu vaghaa na loka ni matamu. Ko polou tana ungaungana na ghatamu.
9Pilupiluu itadira na vure dika tara gunaliu mara vahaghitailiu, itadira na levunimate tara liona na mateagu mara talighutiu.
10Gaira tara mua loghoa na veiarovi. Rongovia va didira na kokoe talunagho.
11Gaira tara samataoniu mara talighutiu, mara sonihoruu tana pari.

Read Buka Linge 17Buka Linge 17
Compare Buka Linge 17:4-11Buka Linge 17:4-11