Buka Linge 145:9-19

⁹Gaia Lord te lio uto vanira na lei tinoni soko, me kovala horua mai nina veiarovi vuvungani nina lei totobo gogoni.

¹⁰Nimua na lei lutu kara holoutogho nia Lord, Ma nimua na lei taba kara bosautogho ighoe.

¹¹Lord, gaira kara tughunitatea na ladana nimua na kinakabu, kara nia rivurivu nimua nilabu mana maana.

¹²Ma kara bosa tatea ghua na gehegehemu te uto lee, te nia rongorongo nimua na vatogha.

¹³Nimua na kinakabu, na kinakabu kasila, ma nimua na maana ni vatogha te ghaha haia tana lei vavata. Gaia Lord te pungotighi haia nina baubahu te uto mate tana lei gehegehena.

¹⁴Gaia Lord te tabe ghalaghara tara tumu, me tughuru vaghinira te mavatira didira na hohola.

¹⁵Na matadira soko tara pitugho ighoe, ge ko hangara, mo vahera na ghadira vanga tana bona te liodira.

¹⁶Tana bona to vurehighi na limamu, ighoe ko vaa togholuvuna tara vitolo, mana mamangaha, nia na lei totobo vola.

¹⁷Gaia Lord te maemane tana lei gehegehena soko, te vonughia na dolo

¹⁸Gaia Lord te dutuvira tara holoa, Eo, agaira tara holo utunia.

¹⁹Gaia te goni kale utunighi na ghanaghanadira tara nia kikinima, me varongohighi didira ngangaraha me volara.