Buka Linge 140:1-10

¹Vania na tinoni gehe linge. Na linge nina David. Lord, ko volau itadira na lei tinoni dika, mo ko pilupungisiu itadira gaira tara ruturutu.

²Gaira tara padalaghinia na dika tughu bongi tana tobadira, mara gunaguna.

³Na ghidudira te ghinighini vagha na poli, mana maomao ni torokoe te tudutudu horu mai tana ghidudira.

⁴Ghe Lord, Ko lavi kehau tana limadira na lei tinoni dika, mo ko pilupungisiu itadira tara ruturutu, na pukuna gaira tara padalaghinia na hughuhughu koluagu.

⁵Gaira tara talunagho tana liona na tari pitiagu, mana talahia na vugho ni hoghotiagu, mana talui dilai na gilu tana lei halautugu.

⁶Inau tu bosa vania Lord, Ighoe nigua na God, Ko varongohiu mai Lord, ta nigua na ngangaraha, mo ko aroviu!

⁷Ghe Lord, nigua na malaghai laga, ta nimua na malei haba, Ko pilupungisiu tana bongi ni veitotoghoni.

⁸Lord, ko bei lubatighi vanira gea didira na ghanaghana dika, Ghe God, didira na ghanaghana dika ke bei tangomana vanira gea.

⁹Lubatira na ghagua na kana, ge kara mate, na pukuna tara gonighi vaniu na lei totobo dika.

¹⁰Ko havukaghinia na gougovu ni lake bera tana uludira, po ko sonighi tana lake pi tana lokana na gilu valo, iga kara mua tangomana na rughuhoru keha.