Buka Linge 138:1-5

¹Na linge nina David. Inau tu holoutogho, ighoe Lord, nia na tobagu udolu, mu ku lingei nimua na holouto tana matadira na lei god keha.

²Inau ku tongaghi vanigho tana valemu te tabu, tana bona ku holohabagho, mu ku holoutoa na ahamu, na pukuna to nera tughuru kakai, nimua na dolo mana baubahu te mua tughu tana talu suleana na ahamu.

³Tana bona tu kokoeliulivuti, ighoe to bosa tughu, mo vaheu mai na patupatu mana laga te managu.

⁴Na lei vunaghi haba tana maramana, kara holoutogho ighoe Lord, gaira udolu kara rongovia na bosamu.

⁵Eo, gaira kara lingei na lei halautumu, Lord, Na pukuna na rongoraghamu te sule ngangata.