Buka Linge 119:59-65

⁵⁹Inau tu kene ghanaghanana na halautuna na volagu, mi nau tu ririu ge ku taonia nimua na lei vetena.

⁶⁰Inau tu lio mina, mua kiki na taoniani nimua na vetena.

⁶¹Na lei tinoni dika tara ghora hagheu ge ku kabalaghi, hauva, mi nau tu kau ngasi so ta nimua na lei vetena.

⁶²Tana bongi hau inau tu tapatughuru mu holoutogho nia nimua na vetena maemane.

⁶³Ahei tua ke nigho kikinima gaia keri na kulagu, maia ghua ahei ke pangotighi nimua na lei vetena.

⁶⁴Lord, na maramana udolu te vonughia nimua na dolo ke mua soko, ko taraiu mai nia nimua na lei puku ni ghanaghana.

⁶⁵Lord, e subo na totobo uto to gonighi vaniu te vagha to nia baubahu.