Buk Song 97:2-8

²Ol klaut na tudak i save karamapim em, na em i bosim ol manmeri long stretpela pasin.

³Paia i save go paslain long em na i kukim ol birua i raunim em i stap.

⁴Em i save mekim lait bilong klaut i kamap na mekim graun i lait. Graun i lukim na i save guria.

⁵God em i Bikpela bilong olgeta graun. Em i kam na ol maunten i kamap olsem wara.

⁶Skai antap i save autim tok long stretpela pasin bilong em, na olgeta lain manmeri i lukim lait bilong en.

⁷Ol manmeri i save lotu long ol giaman god na litimapim nem bilong ol, ol i sem nogut.

⁸Olgeta manmeri bilong Saion na bilong ol taun bilong Juda, ol i belgut na amamas long kot bilong yu.