Buk Song 86:1-4

¹Devit i raitim dispela beten. Bikpela, mi no gat strong na mi no inap helpim mi yet. Olsem na mi laik bai yu harim prea bilong mi na helpim mi.

²Kisim bek mi na mi no ken i dai, long wanem, mi save bihainim yu. Mi wokman bilong yu, na mi save bilip long yu, olsem na yu mas helpim mi.

³Yu yet yu God bilong mi. Plis, yu ken marimari long mi. Olgeta de long san na long nait, mi save beten long yu.

⁴Bikpela, givim amamas long bel bilong mi, wokman bilong yu. Long wanem, mi prea long yu tasol.