Buk Song 79:4-8

⁴Ol lain manmeri i stap klostu long mipela ol i tok bilas na lap na tok nogut long mipela.

⁵Bikpela, hamas taim yet bai yu kros long mipela? Ating bai yu kros oltaim, a? Bai kros bilong yu i stap olsem paia i lait na i no inap i dai, a?

⁶Mobeta yu kros long ol lain manmeri i no save lotu long yu, em ol dispela manmeri i givim baksait long yu.

⁷Ol dispela lain i bin kilim i dai ol manmeri bilong mipela, na ol i bagarapim tru graun bilong mipela.

⁸Nogut yu mekim save long mipela long ol pasin nogut ol tumbuna bilong mipela i bin mekim. Nau yu mas marimari long mipela, long wanem, bilip bilong mipela i slek pinis.