Buk Song 72:9-15

⁹Ol manmeri i stap long ples drai i gat wesan bai ol i stap aninit long dispela king. Na ol birua bilong en bai ol i slip stret long graun.

¹⁰King bilong Spen na ol king bilong ol ailan nabaut, bai ol i givim presen long em. Na king bilong Arebia na king bilong Seba, bai ol i bringim takis long em.

¹¹Olgeta king bai i brukim skru long em. Na olgeta lain manmeri bai i mekim wok bilong en.

¹²Em i save helpim ol rabisman i singaut long em. Na ol manmeri i sot long ol samting na i no gat helpim, orait em yet bai i helpim ol.

¹³Em i save sori long ol manmeri i no gat strong na i stap rabis. Na ol manmeri i no gat samting em i save kisim bek ol.

¹⁴Sapos ol man nogut i laik daunim ol na bagarapim ol, em i save kisim bek ol. Em i save laikim ol tumas na em i mekim olsem.

¹⁵King i ken i stap longtaim! Ol Arebia i ken givim gol long em. Na bai ol manmeri i ken beten long God i helpim em oltaim, na oltaim God i ken mekim gut long em.