Buk Song 71:20-22

²⁰Yu bin salim olkain hevi i kam long mi. Tasol mi save, bai yu strongim mi gen. I olsem mi stap long matmat na yu kirapim mi gen.

²¹Bai yu mekim nem bilong mi i go bikpela moa yet, na bai yu mekim bel bilong mi i isi gen.

²²Bai mi paitim gita na mekim musik bilong litimapim nem bilong yu. God bilong mi, yu no save lusim mi, na tok bilong yu i tru olgeta, olsem na bai mi litimapim nem bilong yu. God bilong Israel, yu God bilong mekim gutpela na stretpela pasin olgeta. Bai mi paitim gita na singim song bilong litimapim nem bilong yu.