Buk Song 69:12-15

¹²Ol man i bung long rot na ol i toktok long mi. Na ol man i spak long wain samting ol i kirapim sampela song nogut long mi.

¹³Tasol maski, mi bai beten long yu, Bikpela. God, long wanpela taim yu yet yu makim, yu ken bekim prea bilong mi. Yu bai mekim olsem, long wanem, yu save laikim mi tumas na yu promis pinis long kisim bek mi. Na yu no save giaman. Nogat tru.

¹⁴Yu mas kisim bek mi long dispela tais bai mi no inap i go insait na lus long en. Yu lukautim mi bai ol birua i no inap bagarapim mi, na dispela wara i daun tumas em i no inap karamapim mi.

¹⁵Yu no ken larim dispela tait i kisim mi. Na yu no ken larim mi i lus long wara i daun tru, bai matmat i daunim mi.