Buk Song 48:1-7

¹Dispela song em i song bilong lotu. Em i bilong ol lain Kora. Bikpela i gat biknem. Yumi mas i go antap long maunten bilong God, na go insait long taun bilong en, na yumi litimapim nem bilong em moa yet.

²Dispela maunten bilong God, em i gutpela tru na i antap moa. Olgeta manmeri bilong graun ol i laikim tumas maunten Saion. Em i stap long hap bilong not, na em i taun bilong nambawan king.

³God i stap insait long taun na em i save helpim ol manmeri long taim bilong pait. Olsem na ol i stap gut.

⁴Bipo ol king i laik pait long Saion. Ol i bin bung wantaim na i kam klostu long taun.

⁵Ol i lukim taun na wantu ol i kirap nogut. Na ol i pret moa yet na ol i ranawe.

⁶Ol i guria nogut tru, na ol i pilim bikpela pen, olsem pen bilong meri i laik karim pikinini.

⁷God i save mekim bikpela win i kam long hap bilong sankamap, na i bagarapim ol bikpela sip bilong taun Tarsis.