Buk Song 39:6-12

⁶Olgeta man i olsem tewel bilong diwai i stap long graun long taim bilong san. Ol i save hatwok long kisim planti samting, tasol hatwok bilong ol i lus nating. Ol man i save bungim planti samting, tasol ol i no save husat bai i kisim.

⁷Tasol Bikpela, nau mi wet long wanem samting? Nogat. Mi bilip long yu na wetim yu tasol i helpim mi.

⁸Yu ken kisim bek mi na lusim olgeta sin bilong mi. Yu no ken larim ol krankiman i tok bilas long mi.

⁹Tasol mi no ken toktok. Mi bai pasim maus tasol. Long wanem, yu yet yu mekim dispela samting long mi.

¹⁰Yu no ken bagarapim mi moa. Yu bin mekim save long mi, na klostu mi laik i dai.

¹¹Yu save krosim wanpela man na bekim sin bilong en, na yu save pinisim tru ol samting em i laikim tumas, olsem binatang i kaikai laplap na laplap i bagarap. Tru tumas, olgeta man i olsem win i kamap long maus tasol.

¹²Bikpela, harim prea bilong mi. Putim gut yau long singaut bilong mi. Yu no ken pasim yau long taim mi singaut long yu. Yu save pinis, mi stap liklik taim tasol wantaim yu long graun. Mi wankain olsem ol tumbuna bilong mi. Ol tu i bin i stap sotpela taim tasol long graun.