8Yu gat planti kaikai long haus bilong yu, olsem na ol manmeri i no sot long kaikai. Ol gutpela samting bilong yu i moa yet olsem bikpela wara, na yu givim ol bilong dring.
9Yu as tru bilong laip bilong olgeta samting. Na yu as bilong lait. Mipela i save kisim lait long yu tasol, na mipela i stap gut.
10Oltaim yu mas laikim tru ol manmeri i save long yu. Yu mas helpim ol stretpela man bai ol i stap gut.
11Yu no ken larim ol bikhetman i krungutim mi. Na yu no ken larim ol man nogut i rausim mi.
Buk Song 36
Buk Song 36:8-11