Buk Song 33:9-12

⁹Long wanem, em i bin tok tasol, na dispela graun i kamap. Em i mekim strongpela tok, na olgeta samting i stap.

¹⁰Bikpela i save mekim tingting bilong ol lain manmeri i go lus nating. Ol manmeri i save pasim tok long wokim wanpela samting, na em i save pasim rot bilong ol na ol i no inap mekim.

¹¹Tasol taim Bikpela i tok long mekim wanpela samting, orait tok bilong en i stap strong oltaim. Em i tingting long mekim wanpela samting, na dispela tingting i stap oltaim oltaim.

¹²Ol dispela lain Bikpela i stap God bilong ol, ol i ken amamas. Ol dispela manmeri em i makim bilong em yet, ol i ken amamas.