Buk Song 30:6-10

⁶Bipo mi stap gut tru na mi tok olsem, “I no gat wanpela samting inap long sakim mi liklik.”

⁷Bikpela, yu gutpela tumas long mi, na mekim mi i sanap strong olsem strongpela haus i sanap long maunten. Tasol taim yu hait long mi, pret i save daunim mi tru.

⁸Olsem na, Bikpela, mi singaut long yu. Mi beten strong long yu helpim mi.

⁹Sapos mi dai pinis, wanem gutpela samting bai i kamap? Sapos mi go long matmat, dispela bai i helpim husat? Ol man i dai pinis, ol inap litimapim nem bilong yu? Ating ol inap tokaut olsem oltaim yu save mekim gut long ol, a? Nogat.

¹⁰God, yu mas harim mi na marimari long mi. Bikpela, yu mas helpim mi.