Buk Song 25:15-19

¹⁵Olgeta taim mi save wetim God i helpim mi. Em i save kisim bek mi long ol samting i laik bagarapim mi.

¹⁶God, kam long mi gen na marimari long mi, long wanem, mi stap wanpis na strong bilong mi i pinis.

¹⁷Pinisim olgeta bel hevi bilong mi, na bel bilong mi i ken i stap isi. Helpim mi, na ol hevi bai i no inap daunim mi.

¹⁸Tingting long olgeta bel pen na hevi i stap long mi, na lusim olgeta sin bilong mi.

¹⁹Yu lukim ol birua bilong mi ol i planti tumas. Ol i no laikim mi liklik. Nogat tru.