Buk Song 144:5-11

⁵Bikpela, opim skai na kam daun. Putim han bilong yu long ol maunten na bai bikpela smok i kamap.

⁶Mekim lait bilong klaut i kamap na rausim ol birua i go nabaut. Sutim ol spia bilong yu na mekim ol i ranawe.

⁷Putim han bilong yu i kam daun na pulim mi i kam antap, na bai mi lusim bikpela wara i daun tumas, na yu ken kisim bek mi long han bilong ol arapela lain manmeri.

⁸Ol dispela man i no save tok tru, ol i save giaman tasol na mekim tok tru antap.

⁹God, nau bai mi kirapim nupela song long yu. Bai mi paitim gita na singim song long yu.

¹⁰Yu save helpim ol king i winim pait, na yu kisim bek mi Devit, wokman bilong yu.

¹¹Kisim bek mi long han bilong ol birua i save mekim nogut tru long mi. Na kisim bek mi long han bilong ol arapela lain. Ol i no save tok tru. Ol i save giaman tasol na mekim tok tru antap.