Buk Song 140:7-13

⁷Bikpela, God bilong mi, yu strongpela man bilong kisim bek mi. Bipo, taim mipela i pait long ol birua, yu bin lukautim mi gut.

⁸Bikpela, ol samting ol man nogut i laik kisim, em yu no ken givim long ol. Yu no ken larim ol i mekim pasin nogut em ol i pasim tok long mekim.

⁹Yu no ken larim ol birua bilong mi i winim mi long pait. Ol i tok kros bilong pinisim mi. Tasol dispela samting ol i laik mekim long mi, yu ken mekim i kamap long ol yet.

¹⁰Mobeta yu mekim paia i pundaun antap long ol. Na yu mas tromoi ol i go daun long bikpela hul, na bai ol i no inap i kam antap gen.

¹¹Ol man i kotim nating ol arapela man, yu no ken larim ol i winim kot. Na mi laik bai samting nogut i mas kamap long ol man bilong pait, na pinisim ol tru.

¹²Bikpela, mi save olsem yu save helpim ol rabisman na ol manmeri i sot long ol samting, taim ol man i mekim nogut long ol.

¹³Ol stretpela manmeri bai i litimapim nem bilong yu, na bai ol i stap wantaim yu oltaim.