Buk Song 130:5-8

⁵Mi laikim tumas Bikpela i helpim mi, na mi wet long em. Na mi bilip tru long tok bilong en.

⁶Mi save wet long Bikpela, na mi laikim tumas bai em i helpim mi. Na dispela em i winim laik bilong ol wasman i save wet long tulait i kamap.

⁷Yumi ol Israel, yumi mas bilip long Bikpela, long wanem, oltaim em i save laikim yumi tru. Na oltaim em i laik helpim yumi bai yumi no bagarap.

⁸Em bai i kisim bek ol manmeri bilong en, em yumi Israel, na rausim olgeta sin bilong yumi.