Buk Song 119:55-62

⁵⁵Bikpela, long nait mi save tingting long yu, na mi bihainim lo bilong yu.

⁵⁶Mi save bihainim olgeta lo bilong yu, na dispela i mekim mi i belgut.

⁵⁷Bikpela, yu tasol yu inap long mi. Mi promis long yu olsem, bai mi bihainim olgeta lo bilong yu.

⁵⁸Mi askim yu strong bai yu marimari long mi, long wanem, yu promis pinis long mekim olsem.

⁵⁹Mi tingim pinis wokabaut bilong mi, na nau mi promis long yu bai mi bihainim tok bilong yu.

⁶⁰Mi no ken wet. Mi hariap long bihainim lo bilong yu.

⁶¹Ol man nogut i traim long pasim mi bilong pulim mi i go long pasin bilong ol, tasol mi no lusim tingting long lo bilong yu.

⁶²Long biknait tru mi save kirap na litimapim nem bilong yu long ol stretpela tok yu mekim long kot.