Bugagia Bidibo Kolesagade Po Asęai Buku 8:22-29

²²“Poloba polobadu mu, te Genuai Bidigo te nai dabe nigainu yali sogo, agai te ena bolo nigali. Tama nosali agai te gasa nai tigidali nigai dao.

²³Polobadu mu, te Genuai Bidigo tǫ nigisiąbadi, agai ena nigilama, tama ena bididuali.

²⁴Ena pedelali sogo, te Genuai Bidigo te tamu ąį me te ulu ąį dabe nigisiąbadi,

²⁵tama agai te genuai bulu du dabe me, te dwasianu bulu du dabe me nigilama augwa pesageba musiąbadi, te sogo ena pedelai dao.

²⁶Te ena pedelali sogo, Genuai Bidigo te tigidali tǫ pedai nigisiąwai, tama tiyu, te gi dabede te nai meni yai dao. Te sogo te tǫ hogomu me elalubeo.

²⁷Te ena Genuai Bidi dali bidibadi, te sogo agai te dagalu nigilama, te tamu ąį te dąįgo bagulali,

²⁸tama agai te dagalude te pǫ dabe muyu, te ąį dabe te genuai tamu ąį dologodu pedalumainu iliyu, te tamu ąį pągąnumainu yali sogo, te ena me bidai dao.

²⁹Tama ena aga dali bidibo sogo agai te tamu ąį sesegedu dąį iliyu, tama tamu ąį dali po bomonama weyu, te tamu ąįgo te dąį ilali boligio po olama, tama agai te tǫ muabo pesage dąį mubo sogo, te ena aga dali bidai dao.