Bugagia Bidibo Kolesagade Po Asęai Buku 4:3-14

³Te idago gasa wai me ame nabe, te ena deli naga, tama agai homugo ena godolo mu yali.

⁴Tama ena dwasianu ogwa bidibadi, te eno ayago ena ola mani. Agai enabolo te tiwai po wali, “Te nago homuba eno po bugagia munama, tama dolo wali pao, tama nage bugagia mu bidaibao,” po wali.

⁵“Nago homu wiegi yai elama, te nago wiegi yai kolesaga koneama sao. Nago eno po te munu me sela sąyu, ma homugo gegeda pelama, tagalu me elamuo.

⁶Nago wiegi yai homu kolesaga ebo me tagaligio. Menio. Nago aga godolo mu ebaso da, te agai nage tonaluaibao.

⁷Te polasa nago sabo nai, te wiegi yai homu ebo kolesaga. Mu tama, te nago gasa nai hauwa sainu ebadi, tiali goli wiegi yai homu kolesaga da, te polalubo hasia nai mu dao.

⁸Nago te wiegi yai homu ebo kolesaga godolo homu elama, tama bomonama dąų ola weyu, tola selama, te agai nageba te genuai nogi mawaibao.

⁹Te wiegi yai homu kolesaga nago tobolude sawi yai au tiwai pedelama elalu, tama te kingo mubo wiegi yai madi tiwai elaluaibao,” ayago te po ola mani.

¹⁰Ogwao, nago eno po bugagia odoyu, wali pao, tama tiyu da, nage te tǫde sesabi elama bidaibao.

¹¹Eno nage te wiegi yai homu kolesaga wali pomainu ola mayu, tama eno nage bilibo dodoliyu, tama nage te doloba pai sunumidu pomainu ebo dao.

¹²Nage te sunumidu pali da, te magi nai me deligo te sunumi me pania sisąma, tama nage me tulalugobeo.

¹³Sesemane sogo nago eno te wiegi yai po dąų ola sao. Te naga bidibo ulago page tiwai da, tama tiyu nago bugagia tonaluao.

¹⁴Nage te dwai bidi dabego sunumide me biligio, tama nago augwaligo kolesaga wali me pigio.