Bugagia Bidibo Kolesagade Po Asęai Buku 4:13-18

¹³Sesemane sogo nago eno te wiegi yai po dąų ola sao. Te naga bidibo ulago page tiwai da, tama tiyu nago bugagia tonaluao.

¹⁴Nage te dwai bidi dabego sunumide me biligio, tama nago augwaligo kolesaga wali me pigio.

¹⁵Nago te sunumi mu ela solama, tama te digibulu mu bidigi pao

¹⁶Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

¹⁷Te dwai kolesaga ebo, me te gasa bidi dolobo kolesaga, te augwa tubo nai me wę tubo tiwai gilama ebo dao.

¹⁸Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.