Bugagia Bidibo Kolesagade Po Asęai Buku 31:4-10

⁴Lemuel, te king dabego te wain wę tulamuo. Ma, augwaligo te bomai ąį bia tuabo homu bomonama ebaso da, te dwai mu dao.

⁵Tiyu, augwaligo te wę tubaso, tama augwa te bomai po dabe, me tama augwaligo te doloba pai kolesaga te magi nai meni yai bidibolo ebo, te kolesaga dali homu kone tua peyu, tagalabuo.

⁶Te bomai ąį me wain ąį te isabo homu ebo bidigo dabego tubo ąį, ma te genuai sęgę elalubo bidigo tubo ąį dabe dao.

⁷Te augwa tuabo homu wei ebaso da, augwa te tumainu eyu, tama augwa te magi nai meni yai bidabo te homu kone me isiąyu, tama augwa te genuai sęgę elalumainogo eyu, te tama tebo dao.”

⁸“Te bidi dabego augwa sęgę po pusisąbo bidi dabe te nago augwali tonaluyu, tama nago te augwali tau sabo po weyu yao. Tama nago te magi nai meni ebo bidi dabede te po tų ebo tau sabo po weyu, te doloba pai kolesaga ebo sę bomo yao.

⁹Tama naga digi te po tų odobo sogo, nago te doloba pai kolesaga eyu yao. Tama nago te magi nai meni yai te hobedagia bidibo bidi dabe tau sao,” te po wali.

¹⁰Te bidigo te wiegi yai kolesaga mu ebo we sabo homu ebo da, agawe? Teda aga gegebo sę dene mu yaibao. Te tobage tiwai wego te tobage te gasa sawi yai masigi dabe te aiyaba elalubo tiwai ebo dao.