Bugagia Bidibo Kolesagade Po Asęai Buku 27:1-3

¹Nago te hagoma homu eyu, tama nago te magi sę me deli te do yaibao olama, te po dąų me waligio. Magi baso meni, te mena sę te sogode pedelabo te nago me konebe dao.

²Te gasa bidi dabego nago nogi ugwaba sobaso da, te usu dao. Tiali goli, naga digi te tama tiabuo. Te sę te nago pedauwaligo yabo sę menio.

³Te wiegi yai homu me elalusiąbo bidigo dobo kolesagago, agai te genuai sęgę dabolo mawaibao, tama te sęgęgo te genuai masigigo sęgę, me te masigi kemi pesage holali te aiyaba elalubo dao.