Text copied!
CopyCompare
Holi Baibul - Brabli Gudwan Song - Brabli Gudwan Song 7

Brabli Gudwan Song 7:5-10

Help us?
Click on verse(s) to share them!
5Yu jis laik det brabli haibala hil gulum Kamul. Yu heya im brabli shainiwan en blekwan, en im brabli purdiwan, en im gin meigim eni king wandim yu.
6Yu luk purdiwan! Yuwai, yu brabli purdiwan. Yu meigim mi gudbinji en ai laigim yu detmatj.
7Yu brabli longwan en yu mubaranbat gudwei laik det pamtri, en yu dubala milk brabli fulwan laik det kukwan frut daga blanga det pamtri.
8Ai garra galimap langa det pamtri en gajim ola frut daga. Langa mi, yu dubala milk im luk jis laik det greip daga, en yu smel laiga switwan epul.
9Wen yu kiskisbat mi, yu teist laik det brabli gudwan wain. Det gel im sing. Larram det wain randan streit langa main olmen, en larram im teistim garram im mawus gudwei.
10Mi blanga yu, main olmen, en yu oldei wandimbat mi olataim.

Read Brabli Gudwan Song 7Brabli Gudwan Song 7
Compare Brabli Gudwan Song 7:5-10Brabli Gudwan Song 7:5-10