Bè-wénia 15:16-21

¹⁶O Ɲúhṹso bía: «Bṹn mɔ́ndɛ́n á ĩ ì bĩní ì ɓuen á ɓueé so a *Daviide zĩi na lá tò. Le soni na fù á ĩ ì bĩní ì hóoní, á le è fárá á à dĩ̀n.

¹⁷Hón pã̀ahṹ so yi á ɓa nùpua na ká ɓúenɓúen, lè hã kãna ɓúenɓúen na á ĩ von à hã bìo sĩ̀ miì á à cà a Ɲúhṹso. «Hĩ̀a kà lé o Ɲúhṹso ɲi-cúa, yìa nɔn á mu bìowa mu

¹⁸bìo zũńnanáa hàánì.»

¹⁹O Zaaki pá bĩnía bía: «Lé bṹn nɔn á ĩ le mu sṹaaní à bìa yínɔń ɓa zúifùwa na yèrèmáa bò le Dónbeenì yi à ɓa yí sɛɛ́.

²⁰Ká mi màhã́ wa túa ɓa yi, à bío na ɓa yi le ɓa wé yí là le muinì taa, lé bìo hã tun. À pa míten ho hã́-fénló lè ho bá-fénló lè mí sìíwà yi. À yí là bùaa na yí fũ̀aana taa. À yí dí cãni.

²¹Hàánì bĩ́n ká ɓa nùpua wee kàrán o Mɔyiize làndá làa mín hã lórá lè mí dà-kéní kéní yi, à kàrán ho ɓa zúifùwa kàránló zĩní yi hã *Sabaawa ɓúenɓúen zoǹ.»