3Ye n yɑɑ nyəm sɩ pə́ sənɑ-ŋ. Nɑ ń kʋsɩ nyɑ́ nɔɣɔ nɑ ń yɑɑ nyʋɣʋ tɑɑ mɑɣɑsəm.
4Ye n pɛɛkəɣɩ-wɩ ɩsɩɩ liɣitee, nɑ ń cɑɑkɩ-wɩ nɑ ɩsəlɛ kʋsɛɛmlɛ ɩsɩɩ wɛnɑʋ.
5Ɩlɛ mpʋ pə tɑɑ kɛ́ n kɑ́ cɛkənɑ Tɑcɑɑ nyɑmnɑʋ, nɑ ɩsənɑ n kɑ́ nyəmɩ-ɩ tɔ.
6Mpi tɔ, Tɑcɑɑ hɑɑkənɑ ləmɑɣɑsɛɛ, nɑ ɩ nɔɣɔ tɑɑ lɩɩkɩ nyəm nɑ nyʋɣʋ tɑɑ mɑɣɑsəm tɔm.
7Ɩ yeki nɑ tɑmpɑnɑ təŋlɑɑ təhikile ɩɩ lɑŋəɣɩ, nɑ ɩ́ kentiɣi mpɑ pɑ lɑkɩ siɣisuɣu tɔ.
8Ɩ wɑɑsəɣɩ mpɑ nɑ lɛlɑɑ pɑ wɛ leleŋ tɔ, nɑ ɩ́ hɑsəɣɩ ɩ yəlɑɑ nɔɔhɛɛ tɛɛ.
9Wɑɑtʋ ɩnəɣɩ n kɑ́ cɛkənɑ siɣisuɣu nɑ mpi pə təŋɑɑ tɔ, nɑ mpɑɑŋ wei ɩ pukinɑ təpɑntɛ tɑɑ tɔ.
10Mpi tɔ, n kɑ́ wɛɛnɑ ləmɑɣɑsɛɛ kɛ nyɑ́ lotu tɑɑ, nɑ nyəm hɛɛsɩ nyɑ́ lɑŋlɛ.
11N kɑ́ wɛɛnɑ nyəm nɑ nyʋɣʋ tɑɑ mɑɣɑsəm, nɑ pɩɩ kenti nyɑ́ tɔɔ.
Atuwɑ 2
Atuwɑ 2:3-11