Atuwɑ 12:8-18

⁸Nyʋɣʋ tɑɑ mɑɣɑsəm tʋ kɛ pɑ sɑŋ yontu tɑɑ. Ɩlɛnɑ pɑ́ tʋʋkɩ wei ɩ lotu tɑɑ wɛ ɩsɑɣɑtʋ tɔ.

⁹Pə kəlɑ teu sɩ yʋlʋ ɩ́ pɑsɑ ɩ tɩ nɑ ɩ́ wɛɛnɑ təmlɛ tʋ kʋlʋm, nɑ mpi ɩ kɑ hɔ ɩ tɩ nɑ ɩ́ lɑŋ tɔɣɔnɑɣɑ tɔ.

¹⁰Siɣisilu pɑɑsəɣənɑ ɩ tɔntɛ kɛ́. Amɑ pətɔɔtəlɛ fɛɩ ɩsɑɣɑʋ lotu tɑɑ.

¹¹Tɔɣɔnɑɣɑ tɔɔlənɑ wei ɩ hɑləɣɩ tɔɣɔ. Ɩlɛnɑ wei ɩ fɛɩnɑ nyʋɣʋ tɑɑ mɑɣɑsəm tɔ ɩ́ təŋəɣɩ kpɑɩ nyəm.

¹²Kɑsəyɑɣɑ ɑsilimɑ nyəŋkɑ kɛ ɑsɑɣɑɑ nɑ́ nyɩɩləɣɩ. Amɑ siɣisilɑɑ nɑ́ wɑɑkɩ.

¹³Nɔɣɔ kʋyɔɣɔtʋtʋ tɑɑ wɛ kɑtɔkɑ ɩsɑɣɑɑ kɛ́. Amɑ siɣisilu nɑ́ ləsəɣɩ ɩ təɣɩ nəɣəsɛɛ tɑɑ.

¹⁴Yʋlʋ nɔɣɔ kʋyɔɣɔtʋtʋ yekinɑ nɑ ɩ́ wɛɛnɑ kʋpɑntʋ kɛ sɔsɔm. Pə fɛləɣɩ pɑɑ wei kɛ́ ɩsɩɩ ɩ lɑpənɑ ɩ niŋ tɔ.

¹⁵Wei ɩ fɛɩnɑ nyʋɣʋ tɑɑ mɑɣɑsəm tɔ ɩ nyənəɣɩ ɩ mpɑɑʋ kɛ́ nɑ kʋ́ siɣisɑ-ɩ. Amɑ ləmɑɣɑsɛɛ tʋ nɑ́ nɩɩkɩ lɑɣɑtʋ tɑsʋɣʋ kɛ́.

¹⁶Kʋmɛlɛŋ hʋləɣɩ kʋ pɑ́ɑ́nɑ́ kɛ kpɑkpɑɑ kɛ́. Amɑ wei ɩ nɩɩkɩ ɩ kʋtʋɣʋ nɑ ɩ́ ŋmɛsəɣɩ tɔ ɩ kɛ́ nyʋɣʋ tɑɑ mɑɣɑsəm tʋ kɛ́.

¹⁷Wei ɩ yɔɣɔtəɣɩ tɑmpɑnɑ tɔ siɣisuɣu kɛ ɩ kpɑɑləɣɩ, nɑ ɑseetɑ pɔpɔtʋ tʋ kɛ kɑloolɑɣɑ.

¹⁸Tɔm kpɑɩ nyəntʋ yɔɣɔtʋɣʋ sɔkɩ kɛ́ ɩsɩɩ lɑɣɑtɛ. Ɩlɛnɑ ləmɑɣɑsɛɛ nyə́mɑ kʋyɔɣɔtʋtʋ nɑ́ɑ́ wɑɑsəɣɩ.