Atos 11:2-14

²Oniaroa, Judéia kaarabonia ajoi'aha ada Pedro, Jerusaléa kaikahi'aha. Jesus Cristo kaija'ari vahararana vahojamaniha adani makhira isani-ra vakarajomivini-ra vanofiki siikosida karajomihia. Va'ora vanofiki adani judeus kaija'ari vihiriki-ra vakarajomivini jaboni.

³Hari. Pedro-ra vakaja'oriavini vani'aha: —Jahariki ida makhira vakarajomiriki vagorana ihojani. I'baini vakadiania jaboni ni-jahapa'itxiki — Pedro-ra avanaathidanoararivini.

⁴Oniaroa, Pedro va'ora nava'isohihahavivini hiki ida namitha'iki.

⁵—Jope sidajia ohojana kari Deu-ra vara oni'avini kaba'i vadami fori hikia onoki'iki ida makari karaho fori hiki akaahohaninikhamaki nama gaarini. Kodiania maakari'ihi, daani'ihi ida makari fori hiki.

⁶Vada oni'ahi ida makari bodinia hojaki igitha ipohiki. Onoki'ihi ida arabo kahijava, nama kahijava, tapo'ija hiki.

⁷Onokivini naothinia okamitha'ihi ida athii hora ni'avini: “Pedro, gaa'a mahija igitha-ra inaabinivini kada'bai kaimoni.”

⁸Ogathani'ihi ida athii: “Kodika'da'di, jokoa onaabinirihi oni igitha. Ni-igitha havahaki hojaki. Ni-hoaranija oha'iaki ida igitha kaaji hiki.” Onihi.

⁹Nama okamitha'ianahi ida athii: “Deus kaaji hirini bikahivini kaba'i, hari'a kaaji hini kahi. Ni-makhaniki havahani.” Hora ni'ahi ida athii.

¹⁰Ahoarabakosikia onokihi ida igitha, okamithahi ida jaboni athii ahoarabakosikia. Naothinia nama Deua bianajoisi'ianahi ida makari fori hiki.

¹¹Hari hi'ihi ida vadami fori hikia onoki'iki, gora ovahojaki banininija vakaikahi'aha adani makhira avahoarabakosiki. Cesaréia sidajia vikhaki adani hora vanikhaki.

¹²Vakaikahina vani Ma'onahai Jahaki hora honariahi: “Ijari'darini okha'a vakadiania.” Hora ni'aha. Jope sidajia vahojaki hadani Jesus vaipohihava abono. Hihadani 6 vihiki vaipohina hida kodiania vahojaki hora vavaipohiha'iki. Aokhahi, Cornélio gorana aakhanohi, aokhajakosi'ihi.

¹³Oniaroa, haria nava'isohiha ada Cornélio: “Ogorana bodinia onoki'iki ada Deus ibavi kaija'arini gaana.” Niha ada Cornélio. Cornélio hora nanamithavini hiki ida Deus ibavi kaija'arini athi: “Jope sidajia va'ora karona'a adani kadahonai abono mahija Simão Pedro-ra avanikha'avini.

¹⁴Pedro a'onira nava'isohivini hiki bana ida varani, nihaniki vania Jesus a'onira akava'ijoaki a'oni, kadaija'ari khama.” Cornélio-ra nava'isohiha ada Deus ibavi kaija'arini.