'At 9:4-14

⁴Ha Xaot te hãm tu' nãhã', tu yãnmũn xupep'ax 'ãpak, ha: —Xaot, Xaot, tep tu xatek xũygãhã'? Kaxĩy.

⁵Ha Xaot kuxãnõg, tu: —'Ũ 'ũm 'ãmũn? Kaxĩy. Ha' nõy te: —'Ũgmũn yã Yeyox. Xatek mũn xũygãhã',

⁶pa 'ãyok, nũy 'ãk-nĩhã xihip, tu mõg tu mõktu kõmẽn Namãn tu xupep. 'Õnte tik 'ũm te xa hãmyũmmũgãp-tup. Kaxĩy.

⁷Ha tikmũ'ũn te Xaot mũtik hãpkumep, tu' hip, tu' yẽy. Tu' yĩy'ax 'ãpak, pãyã 'a tik 'ũm pẽnã'ah.

⁸Ha Xaot yok, tuk-nĩhã' xip, pãyã hãmpẽnã hok, ha tik te Xaot yĩm mũg, tu' mõgãhã', tu mõktu mõxaha Namãn tu'.

⁹Ha 'ãmnĩy 3 hã Xaot te hãmpẽnã hok, tu' xit hok, xi' xo'op hok kamah.

¹⁰Ha kõmẽn Namãn kopa' xip tik kuxa yũm ka'ok Yeyox kopah, 'ũxuxet'ax 'Ãnãnĩn, ha yãy koxuk hã hãm'ãpak, ha yũmũg xuxyã te' xãnãhã', hu: —'Ãnãnĩn! Kaxĩy. Ha: —Te 'ũm? Kaxĩy.

¹¹Ha yũmũg xuxyã te' xat, hu: —'Ãyok, nũy mõg putat yok hã Yot pet hah, nũy Tax yog tik 'ãxet'ax Xaot xax. 'Ũpẽnã'! Tute Topa mũtik hãm'ãktux!

¹²Tu' yõtkup hã tik 'ãxet'ax 'Ãnãnĩn pẽnãhã', ha' nũn, tu' xupep, tup-tox yĩmũ' yĩm xex, pu xe hãmpẽnã'. Kaxĩy.

¹³Pa 'Ãnãnĩn te' yãnãn, hu: —Yãyã', tikmũ'ũn te Xaot 'ãktux kummuk. Tute 'õg tikmũ'ũn xũygãhã Yenoyanẽn kopah,

¹⁴tu Yenoyanẽn tu' xip, tu tappet pop Yoneo yõg 'ãmãnex xexka xop tu', tu' nũn, nũy mũy, nũy kĩy, nõm xop te 'ãxãnãhã'. Kaxĩy.