'At 15:26-40

²⁶Yã' hi Yeyox tu', yã yãy xuxyã', yĩy xe yãy yõg'ah. Yeyox te' xat, pu mõg, ha' mõg, 'ok pe' hi', 'ok pe' xok.

²⁷Hak mũ'ãte Xinax mõ'pok, xix Yot, ha xa' xohix hãmyũmmũgãp-tup.

²⁸Ha Topa Koxuk te 'ãxat hãmãxap, hak-nãy tuk mũ'ãte, hu:

²⁹'Ũmã hok topa komut xop xit'ax, xix xokxop 'ũm mãy mũg tup-tex mã hok, xix xokxop hep 'ãta mã hok, tu 'ãnõy hã xupxet hok. Puxi', yã' max. Ha' kux.” Kaxĩy.

³⁰Ha ta' mõg tik xop, tu mõktu mõxaha 'Ãtikit tu', ha' kuxa mãm ka'ok xop te yãy tu nũ'nãhã', nũy mõ'pok yõg tappet mõ'kupix,

³¹tu mõ'kupix kux, ha' kuxa hittup xexka'.

³²Ha Yot xix Xinax yã Topa pupi hãm'ãktux xe'e', tu' xape xop ka'ogãhã'.

³³'Ãmnĩy kutõgnãg 'ĩhã' tihi', tu putpu' mõg, tu mõktu mõxaha Yenoyanẽn tu'.

³⁴Pa Xinax mõg'ah, tu' nox xip 'Ãtikit tu'.

³⁵Ha Paot xip 'Ãtikit tu', xix Maname', tu' nox tihi', tu hãmyũmmũgãhã', nũy Topa yõg hãm'ãktux'ax 'ãktux, 'ũnõy xop mũtik.

³⁶Ha 'ãmnĩy punethok nõg, ha Paot te Maname pu hãm'ãktux, hu: —'Ãpu, yũmũ mõg putpu', nũy xape xop xohix pẽnã', nũy kõmẽn xohix kopa' pẽnã', nũy Topa yõg hãm'ãktux'ax xe 'ãktux. Kaxĩy.

³⁷Ha Maname te Yoãm Mã'ak mõgãp-tup,

³⁸pa Paot tep-tup nõg. Hõmã Yoãm Mã'ak te' nĩm Pãnit tu', tu hãpxopmã 'ohnãg.

³⁹Ha Paot te hãm'ãktux hã' nõy yãnãn Maname mũtik, tu' gãy, ha Maname gãy, tu yãy xatat, ha Maname te Yoãm Mã'ak mõgãhã', tu' mõg, tu mĩpkox hã' mõg, nõm te kõnãg xexka yĩmũ' mõg, tu mõktu mõxaha hãmyĩn yũm 'ãxet'ax Xip tu'.

⁴⁰Pa Paot te Xinax yãykutnãhã pu mõg, ha' nõy xop te: —Pũyã Topa 'ãmũtik mõg. Kaxĩy.