Apostolo 5:4-15

⁴Muga a malala ne vomu. Muri na malala ni kona, a moni o bole, a moni vomu. Bara o rata a maki na ningaru vomu. Pali i navai o luhoi ni ratena a naro iea? I uka ma o tamia tara bakovi. A viri o tamia a Vure.”

⁵Na tahuna e Ananias i longoa a ngava iea, i boru puru, i mate. E huriki ri longoa a naro iea, ri mangenge hateka.

⁶Muri e huriki a riau ri valai, ri bunua a podana, ri kaloho talea, ri tanua.

⁷Muri na kilala i tolu e Sapira i dili valai. I uka ma i lohoka vona e girihina i mate.

⁸Lakea e Petrus i nanea, “O vakalongo iau ngane, ra moni nga, a mapana malala marua ni kona?” E Sapira i koli i ta maea, “E, ra ngi kunana a mapana malala.”

⁹Lakea e Petrus i takia i ta maea, “Pali i navai muru valongo mai a ngava ni tonia a Hanune Bakovi Dagi? Mata lakea! E huriki a riau ri tanua pali e girihimu, ri laho valai. Ioe tara, bara ri kaloho tala a podamu.”

¹⁰Malaviriri kunana e Sapira i boru puru tabukoi na vahane Petrus, i mate. Na tahuna e huriki a riau ri dili, ri masia i mate pali, ri kaloho talea, ri tanu tabukoi ia ne girihina.

¹¹E huriki a tara ne Kristo, turana e huriki lobo ri longoa a maki i bele, ri mangenge.

¹²E huriki a apostolo ri rata a nivakasiri i kupo na matane huriki. E huriki a tara na Vure ri vapopo vakaroro na Talele ne Solomon.

¹³E huriki lobo ri ngaru ria, pali i uka ma ri dili turane ria, a vuhuna ri mangenge.

¹⁴Ngane e huriki ala kupo hateka ri luhoi torea e Bakovi Dagi, ri dili turane ria.

¹⁵E huriki ri lohoka vona a maka nivakasiri e huriki a apostolo ri rata, lakea ri kaloho valai e huriki ri giloa, ri vakamahita ria na kiri ne ria, a moke ne ria na hare dala. Na tahuna e Petrus i laho polo, ri ngarua a maniruna ge tarui ria.