Apostolo 2:7-19

⁷Mataira ghe otila me laghe kolomila va, “Taumattu ngatoa oia la aippooaa ila akapa laghe mae sio eGalilii.

⁸Vaalua me kateva kateva etaita ita nongonongo kila inangari tanganueita?

⁹Ita taumattu tale Patia, Midia, Elam, me taumattu nge Mesopoteimia, Jiudia, Kapadosia, Pontus me Eisia,

¹⁰Prigia me Pampilia, Ijip, me katoa laghe mae sio tale kasina masaliki eLibia kalakalangina tale masaliki eteae eSaerini, me katoa laghe mae sio eRom,

¹¹ita aJiu etoa me lo atoa ghavirina laghe mene aiesoaa teeitala, aKrit me aArabia, ita akapa ngita nongola kinatama voto ateva God nge gheleila nau ngila ppooaala tale inangari tanganueita.”

¹²Laghe soghila me aloira ghe kapaala me laghe aikolomieinila va, “Sa malloeana llo oia?”

¹³Katoa laghe aanamisainila tani ue va, “La ropila manu eteva sarasarakana ia.”

¹⁴Pita ghe tingina aitauaa teela kasangaulu kateva (11) apostolo, ghe sama anamuula me ghe uela va, “Am aJiu etoa me lo atoa am tokatoka eJerusalem, am nongo amasina inangari aghauliaa.

¹⁵Taumattu oia karika la ropila nongina am aauliaa. Elue talaua arau oia ta 9 kilok.

¹⁶Isaa oia voto am taatara, propet Joel ang ghe aulia ngalokoila,

¹⁷ghe uela va, “‘God eue va, Airuuruu tale kosa ateva, aue atau sio kapughu Spirit Manga ateva tale taumattu ngatoa. Natuimim taita atoa me vause atoa aue la aulia ngaotu inangarighi. Aliki taita atoa aue la tara nitaatara, me taita namu ngatoa aue la asoasopoi.

¹⁸Me kapughu tau ngai uungu etoa, taita ila me vause ila, aue atau sio tee Spirit Manga ateva etaira, me aue la aulia ngaotu inangarighi.

¹⁹Aghi aue aghapasunga aimatootoongana elomarase me epona tale kosa ateva, rae, kura ateae, me paka asu eteva.