Apostolo 2:5-15

⁵Na tahuna iea e huriki a Iuda na tanga lobo na malala ri valai, ri made o Ierusalem.

⁶Na tahuna ri longoa a maki iea, ri maguru valai. Ri turutu a vuhuna ri longo na tabelene ria takutaku a ngava i taki e huriki nga.

⁷Ri ngapa, ri vanana, “Re huriki nga, a bakovi o Galili.

⁸Pali i navai ri ta, si longokilala na nita ne hita takutaku a ngava ri taki?

⁹I uka ma si valai na tanga i taku kunana. Si valai o Partia, o Midia, o Elam, o Mesapotamia, o Iudea, o Kapadosia, o Pontus, o Asia,

¹⁰o Prigia, o Pampilia, o Egipto, na tabeke ne Libia ra tabeke i matakaria e huriki na tanga e Sirene. I ranga ri valai o Rom.

¹¹E huriki ranga a Iuda. E huriki ranga i uka ma ria a Iuda, pali ngane ri ramai a vinara ne huriki a Iuda. E huriki ranga ri valai na robo e Krit, e Arabia. Pali hita lobo si longo ria na nitane hita takutaku, ri vakalongo a maka maki dagi hateka a Vure i rata!”

¹²Ri turutu, ri luhoi viliha lae, ri vanana, “A ra pelegona maki iea?”

¹³Pali e huriki ranga ri padikede ria, ri ta maea, “Ri ninu hateka a vain karaba, ri manga.”

¹⁴Pali e Petrus, i pesi turane huriki a apostolo ala ravulu a polona i taku, i gale tala, i ta maea, “Mua o huriki a bakovi o Iudea, turane huriki mu made koea o Ierusalem, mu longo kamumu a ngava ga taki.

¹⁵Mu luhoi ta mi ninu. I uka ma mi ninu. Ngane a kilala i polova na hatelanga kunana.