Apostolo 2:19-24

¹⁹Iau ni hamines ra linge na ngalabo aram ra ula mawe, ma ra kaba hakilang kai napu ra ula hanuo hoken: na mon de, a iaah, ma ra tamat na mis mah.

²⁰No kasakes na kankado ma no teka na daraan hoira de nalua bia no tamat na bung sakit gar tano Watong na hanuat ma ra but na minarine.

²¹Ma diet bakut ing diet na tau iau no Watong bia ni halon diet, iau ni gil haruatne.’

²²“Muat ra kaba matanaiabar na Israel, muat hadade timaan ken ra nianga. Iakan ra Jisas meram Nasaret, God ga hatutun tar ie ta muat bia aie sige. Ma ga hatutun huo ta ira gingilaan na kinarup ma ira dadas na hakilang ing ga gil narakoman tano nilon tane Jisas nalamin ta muat. Ma muat palai taar ta kaiken.

²³Iesen di ga tar se Jisas ta muat kanong God gate pingit tar huo ma gate nunure tar bia na ngan hokaike. Ma muat tika ma ira sakana tunotuno muat ga bu bing ie ing muat ga tut tar ie ra ula kabai

²⁴Iesen God ga hatut habalin ie sukun ra minaat. Io kaik, ga halangalanga isei tano ngunngutaan na minaat kanong ga taie tun at ta dadas tano minaat bia na palim kawase tar ie.