Apostolo 2:14-21

¹⁴Pali e Petrus, i pesi turane huriki a apostolo ala ravulu a polona i taku, i gale tala, i ta maea, “Mua o huriki a bakovi o Iudea, turane huriki mu made koea o Ierusalem, mu longo kamumu a ngava ga taki.

¹⁵Mu luhoi ta mi ninu. I uka ma mi ninu. Ngane a kilala i polova na hatelanga kunana.

¹⁶A maki mu matai, a maki e Jol a propet i taki hosi, i ta maea,

¹⁷‘A Vure i ta maea, na nilobona parava ga habi ne huriki lobo a Hanugu. E huriki e tune mua a bakovi a ngatavine bara ri ta propet. E huriki a riau bara ri matai a maki na vurene ria. E huriki a gare bara ri vurena.

¹⁸E huriki a vora bakovi a vora ngatavine nau, ria ranga ga habi ne ria a Hanugu, bara ri ta propet.

¹⁹Ga rata a maki ni turutu vona meli na hunu, ga rata a nivakasiri koea na malala: a dara, a kanono, a pokona kanono.

²⁰A haro bara i paravunu, a keva bara i para vururu, manga a dara muga na parava ne Bakovi Dagi ge valai. A parava iea i dagi hateka.

²¹Lakea a Vure bara i korimule e huriki ri gale lakea ne Bakovi Dagi.’