Apostolo 26:23-32

²³A ngava ri takia i maea, ‘E Kristo ge bole a nimadihi, ge mate. Ia bara i muga ne huriki lobo, i pesi rike mule na matenga. Muri ge vakalongo ne huriki a Iuda, ne huriki i uka ma ria a Iuda a nitana nipara.’”

²⁴Na tahuna e Paulus i vakalongo a maka ngava nga, lakea e Pestus i ta puhaki ma ia, i ta maea, “Paulus, ioe o ta manga manga! A lohokanga vomu i rata ioe o manga!”

²⁵Pali e Paulus i koli, i ta maea, “O Pestus, iau i uka ma a manga! A maka ngava a taki i malamala, i muholi.

²⁶Hariki Agripa! Ioe o lohoka vona pali a maka ngava nga, lakea a ta pagapaga i uka ma mangenge. O lohoka vona a maka maki nga, i uka ma i tabuli kapiloho na matamu o na talingamu. O lohoka pali ne ria, a vuhuna a maka maki nga i uka ma ni rata kapiloho.

²⁷Hariki Agripa, o luhoi tora a ngavane huriki a propet? Iau a lohoka vomu, o luhoi ria!”

²⁸Lakea e Agripa i takia e Paulus, “O luhoi go pulo malaviriri a niluhoi nau, ge iau a Kristian?”

²⁹E Paulus i koli i ta maea, “Ge malaviriri, o ge maradoi, a vasileki na Vure, mua lobo mu longo a nitagu mona mu gu manga iau. Pali a sen kunana i uka ma ge kolotata a limane mua!”

³⁰Muri e Agripa a hariki i pesi rike. A matakari, e Bernaisi turane huriki ranga ri pesi rike,

³¹ri pagitala. Lakea ri vata, ri ta maea, “A bakovi iea, i uka ma i ratea tara maki ge mate vona, o ge dili na bavi vona.”

³²Lakea e Agripa i takia e Pestus, i ta maea, “A bakovi iea, i uka ma ge ngaru ni masia e Kaiser, bara o vakapagetalea na bavi.”