Apostolo 21:15-18

¹⁵Yoma miya menai mayadaidi wa se gehe ede ka kabinonoha na ka sae Yelusalema.

¹⁶Tauhemuliwatani hekadi Sisaliya unai maidamaiyao ka sae, na se woyaigai ka lau Menasona yona numa unai ka miyamiya. Iya meta Saipulusi bwanabwanaluwana tamowaina, yo hinage tauhemuliwatani bagubagunana hesau.

¹⁷Yoma huyalage Yelusalema unai taukawamamohoi maudoidi se hailobaigai ma gwaugwauyaladi.

¹⁸Mala ye tom kabo Paulo maidamai ka lau Yamesi ka kaitaumanai, na dubu babadadiyao maudoidi meta hinage se laomagogoi menai.