Apostolo 1:9-17

⁹Iesu ani, ꞌouge reiroteꞌe enogano, zeḡe ubumao adure ḡoha mae ḡihine itiro, ebu ḡozeꞌa ꞌuiro.

¹⁰Iesuꞌa adure ḡoha iteꞌenogano, ze adure ḡohani gagau ḡiane rune radiunu. Ebu ḡianoꞌi! Aneru aheuꞌa zeḡe genaḡano edaro. Ze dabua ꞌuruḡa haḡairo,

¹¹ebu raenaꞌa, “Galilea azaḡa, za nougadu deꞌea edauꞌenaꞌa adure ḡohani ḡianeꞌohe? Iesu ani zae mazaonoꞌo adure ḡoha mae ḡihine iteha. Aniꞌe ꞌouge itateꞌe horonateꞌe teige vesuꞌu bare ovamiꞌuma.”

¹²Ebu ze Olive maḡanonoꞌo bare Ierusalema neḡa itiro. Eꞌe ibiḡaꞌe kilomita tiba heuḡa.

¹³Ze Ierusalema neḡa feurirotene, hitaga neḡa itadu zeḡeꞌa radiuꞌeteꞌe habaꞌa diuḡiro. Eꞌe zamaḡanoꞌe, Petero, Ioane, Iakobo, Aniderea, Firifo, Tomasi, Batolomeo, Mataio, Alofeo ubuga, niḡa Iakobo, Zelote vazeḡa, niḡa Simona, ebu Iakobo ubuga, niḡa Iuda.

¹⁴Zeḡe niduꞌa nuꞌoruꞌenaꞌa, zamaze tibunadu iḡaiḡa kuraunu. Roḡae nu, zu Iesu viꞌa Maria, zu Iesu negoḡa duḡuru zuni zeḡe teite nuꞌoraunu.

¹⁵Eꞌe madaḡa ꞌahogano Zuhiꞌa Boro mone azaḡa nuꞌonuꞌo boꞌaḡano Peteroꞌa iḡune edaro. Zeḡe niduꞌaꞌe maḡa tiba zu ḡae aheu gaubanana (120) heuḡa.

¹⁶Ebu zinaꞌa, “Nego nabudi, ibite Vine Zaḡoḡaniꞌa Davida neadu, buka zaḡoḡano tirotaꞌaꞌe hudaro. Aꞌe Iudaꞌa Iesu obone tiroteꞌe azaḡa ibito ziniroteꞌe hariḡa.

¹⁷Iudaꞌe Iesuꞌa inahe meiroteꞌe tahiꞌaḡa ꞌahoga. Ane zuni emeḡe teite gau tiba haḡaido.