Apostolo 1:4-12

⁴Zeḡeꞌa nuꞌoraroteꞌe madaḡa ꞌahogano Iesuꞌa ḡoere ziniro, raenaꞌa, “Ierusalema neḡano geno radoꞌi, onamo Mamaꞌa rae tiroteꞌe ḡoeꞌaniꞌa hudanoga veize guhianoꞌi! Eꞌe ḡoeꞌaꞌe za eḡe mazaonoꞌo igiro, raenaꞌa,

⁵Ioane Babatisoꞌe vu hina bapatizozido rehano, zaꞌe, mada ḡehaḡa ꞌizema mougano, Vine Zaḡoḡa hina bapatizoziꞌuma.”

⁶Mada ꞌahogano ze bare nuꞌoraroteꞌe zamaḡano, Iesu ḡadiniro, raenaꞌa, “Zuhiꞌa Boro, eꞌe madaḡanoꞌe emeḡeꞌa Isaraela habaꞌa bare madu emeḡeꞌa emeḡe bare ḡiafoga veize ibitofiꞌuma hehe?”

⁷Iesuꞌa naenae zinaꞌa, “Eꞌe madaḡaꞌe Mamaꞌa ane niḡano rae tiro. Zaꞌe mene ederiꞌuma ḡauḡa.

⁸Rehano Vine Zaḡoḡaniꞌa zae vaḡe ovamiꞌuma madaḡano zaꞌe gigiꞌaḡa meꞌuma. Ebu zaꞌe eḡe hari rae fureniꞌuma, Ierusalema neḡano, Iudea habaꞌano, Samaria habaꞌano onamoo haba ḡonaga.”

⁹Iesu ani, ꞌouge reiroteꞌe enogano, zeḡe ubumao adure ḡoha mae ḡihine itiro, ebu ḡozeꞌa ꞌuiro.

¹⁰Iesuꞌa adure ḡoha iteꞌenogano, ze adure ḡohani gagau ḡiane rune radiunu. Ebu ḡianoꞌi! Aneru aheuꞌa zeḡe genaḡano edaro. Ze dabua ꞌuruḡa haḡairo,

¹¹ebu raenaꞌa, “Galilea azaḡa, za nougadu deꞌea edauꞌenaꞌa adure ḡohani ḡianeꞌohe? Iesu ani zae mazaonoꞌo adure ḡoha mae ḡihine iteha. Aniꞌe ꞌouge itateꞌe horonateꞌe teige vesuꞌu bare ovamiꞌuma.”

¹²Ebu ze Olive maḡanonoꞌo bare Ierusalema neḡa itiro. Eꞌe ibiḡaꞌe kilomita tiba heuḡa.