8Muri e Paulus i dili na roho na vaponga, i ta pagapaga vonga na Velenga Kamumu na keva i tolu. I ta turane ria, i vakalongo ria vona na harikianga na Vure.
9Pali i ranga ne ria ri putu ngingi, ri tabana i uka ma ri luhoi tora, ri ta hale na dala ne Isu na matane huriki. Lakea e Paulus i hataro ria, i tuli e huriki a murimuri, i vano i vara na parava lobo na roho na nitovo ne Tiranus.
10E Paulus i made vonga na pida i rua, i vara ria vonga, lakea e huriki lobo na tabeke ne Asia ri longoa a nitana Bakovi Dagi. E huriki a Iuda, e huriki a Grik.
11A Vure i rata maka nivakasiri dagi na limane Paulus.
12A nitora na Vure i dagi hateka vona, e huriki bara ri bole a lavalava kiroko, a varakia e Paulus i padoi, bara ri ru langa ne huriki ri giloa, lakea bara ri tavaga, e huriki a hanitu ri ha tala ne ria.
Apostolo 19
Apostolo 19:8-12